گھر یا محلے کی گیارہ عورتیں بیٹھی ہیں اوّل آخر درود شریف سات دفعہ پھر درود تنجینا پڑھتے ہیں درمیان میں بات نہیں کرنی اٹھنا بھی نہیں آخر میں دعا مانگیں دعا تک کوئی بات نہیں کرنی۔ اللہ پاک مشکل آسان فرما دیتے ہیں

محترم حضرت حکیم صاحب السلام علیکم!اللہ تعالیٰ آپ کو ہر آفت‘ ہر پریشانی ‘دکھ و تکلیف سے محفوظ رکھے اور ہمیں آپ کے نقش قدم پر چلنے کی توفیق عطا فرمائے تاکہ ہم بھی آسانیاں سمیٹ سکیں اور آسانیاں تقسیم کرسکیں (آمین)
گھریلو الجھن کیلئے:(۱)گھریلو اُلجھنوں کے حل کیلئے اکثر ہم درود تنجینا 300بار پڑھتے ہیں طریقہ کار اس طرح ہے کہ گھر یا محلے کی گیارہ عورتیں بیٹھی ہیں اوّل آخر درود شریف سات دفعہ پھر درود تنجینا پڑھتے ہیں درمیان میں بات نہیں کرنی اٹھنا بھی نہیں آخر میں دعا مانگیں دعا تک کوئی بات نہیں کرنی۔ اللہ پاک مشکل آسان فرما دیتے ہیں یہ عمل ایک تین پانچ سات بار یعنی مشکل حل ہونے مسلسل کریں۔
جس مسئلہ کا کوئی حل نظر نہ آتا ہو:(۲)کوئی ایسا مسئلہ جس کے حل کی کوئی صورت نظر نہ آتی ہو اس کے لیے سورۃ نوح ہزار دفعہ پڑھیں انشاء اللہ مسئلہ حل ہو جائیگا یہ عمل چند اشخاص بھی کرسکتے ہیں اور ایک شخص بھی کرسکتا ہے۔
سخت مشکل کیلئے:(۳)کسی سخت مشکل کے حل کیلئے یَابَدِیْعَ الْعَجَائِبِ بِالْخَیْرِیَا بَدِیْعُ کا وظیفہ بہت مؤثر ہے۔جمعرات کی رات عشاء کی نماز کے بعد اوّل آخر تین تین بار درود شریف کیساتھ پڑھیں ہر روز 1200بارہ سو دفعہ پڑھنا ہے اور بارہ دن پڑھنا ہے۔
گھر میں ناچاقی کا علاج:(۴)گھر میں ناچاقی میاں بیوی کی ہو ساس بہو کی ہو یا جیٹھانی دیورانی، نند، بھاوج یا رشتے داروں محلے داروں کی ہو تو جیسے اللہ توفیق دے وہ ہر وقت یَاوَدُوْدُ یَاسَلَاْمُ پڑھے تو جب بہت دیر پڑھ لے تو کسی شخص رشتے دار محلے دار کا تصور کر کے پھونک مار دے اور اپنے گھر میں کھانے پینے کی چیزوں اور خصوصاً چینی اور پانی پھر پھونک ماردیں انشاء اللہ ناچاقی محبت میں بدل جائے گی۔
اگر بچوں کی وجہ سے کوئی پریشانی ہو تو:(۵)اگربچوں کی وجہ سے کوئی پریشانی ہوتو یَاشَہِیْدُ ہزار دفعہ پڑھ کر سارے گھر کا پانی دم کردیں چینی پر بھی پھونک دیں اللہ تعالیٰ بچوں کو ہدایت نصیب کرینگے۔
مالی و جانی پریشانیاں دور کرنے کا ٹوٹکہ:(۶) یَا اللہُ، یَارَحْمٰنَ یَارَحِیْمُکسی بھی وقت آنکھیں بند کر کے پڑھیں مسئلہ ذہن میں رکھیں ان شاء اللہ مسئلہ حل ہوگا۔ اللہ پاک ہم سب کی مالی جانی پریشانیاں دور فرمائیں ہم پر رحم کریں اور ہمیں دین کا داعی بنادے (آمین)۔( عالم بنت افسر دین، ایبٹ آباد)
اب تو خودکشی کرنے کو جی چاہتا ہے!
محترم حضرت حکیم صاحب السلام علیکم! الحمدللہ! عبقری بڑی عقیدت و احترام سےپڑھتے ہیں۔اس میں موجود وظائف اور ٹوٹکے بہت ہی کمال کے ہوتے ہیں۔ میرے بھی کئی مشاہدات ہیں جو میں عبقری کی نذر کرتا ہوں۔ایک بندہ میرے پاس آیا جو عالم اور مفتی بھی ہیں۔ اور آپ سے شاید اس وقت ملے تھے جب آپ لوگوں کے اکٹھے بیٹھ کر مسائل سنتے تھے جب انہیںپتہ چلا کہ میرا تعلق تسبیح خانہ سے ہے تو میرے پاس آئے۔ ان کا سارا جسم کسی عجیب بیماری کی وجہ سے زخمی تھا۔ سارے جسم پر زخم تھے اور جسم سے عفونیت آتی تھی۔ اس نے کہا علاج کرا کرا کے تنگ آگیا ہوں۔ اب تو خودکشی کرنے کو جی چاہتا ہے۔ میں نے اسے یَاقَھَّارُ 1100 بار پانی میں پائوں رکھ کر پڑھنے کو کہا اور ساتھ کہا کہ طلوع و غروب کے وقت اوپلوں کی راکھ کو ان زخموں پر چھڑکنا ہے اور ساتھ الحمد سورت پڑھنا ہے اور ساتھ ہی شربت کلونجی اور شربت عناب پینے کا مشورہ دیا (یہ نسخہ آپ کی کتاب میرے طبعی رازوں کا خزانہ میں پڑھا تھا) ماشاء اللہ اب وہ صرف ایک ماہ کے استعمال سے 100% ٹھیک ہوگیا ہے۔(ج۔ر)